Transcription
1
Monseigneur, s’il y a villaige en Daulphiné qui se
2
sente de la guerre, cest Venissieu pour avoir esté
3
entieremenr ruyné et destruyt par le passaige et sevice
4
que les compaignyes de gentz de cheval et de pied
5
y ont faict plus frequent puys six moys qu’en
6
nul aultre, oultre la contribution qu’il la
7
convenu faire aux deux magazins quy ont esté
8
dressez à Vienne et à St Saphorin ; si bien que
9
les paouvres habiyantz dudit villaige sont reduictz
10
à toute paouvreté et necessité par le moyen des
11
grandes folles et charges qu’ilz ont supporté et
12
supportent journellement plus que voysin quilz ayent
13
pour estre sur le grand chemin, exposez à toutes
14
advenues. Parquoy, monseigneur, je vous
15
supplie ayant esgard à ce que dessus, leur vouloir
16
traicter de la façon que ceulx dudit St Saphorin,
17
[164 v°] ce faisant les exempter de ce quartier de la
18
contribution qu’il leur conviendra faire audit magazin
19
sil ne vous plaict, monseigneur, leur faire grace
20
et avoir pitié et compassion deulx, ce que d’aultant
21
plus hardyement je vous ose bien escrire,
22
monseigneur, pour estre tesmoingt oculaire de leurs
23
misères et calamitez si grandes que je puys
24
asseurer votre seigneurye que lesdits paouvres
25
habitantz sont à la fain et extreme necessités ;
26
que sera lendroict où je prieray le Createur
27
vous donner,
28
monseigneur, en parfaicte santé sa très digne grace,
29
me recommandant très humblement à la votre. De Lyon, ce
30
Xe jour de fevrier 1574.
31
Votre à jamais très humble serviteur
32
Bussillet